Galw ar y rhai hynny yn Aberconwy sy’n edrych am swydd i raddedigion neu brentisiaeth. Mae’r Grid Cenedlaethol yn recriwtio’r genhedlaeth nesaf o ddatryswyr problemau a meddylwyr creadigol er mwyn helpu i drawsnewid y sector ynni i gwrdd â’r sero net. https://ngrid.com/3n9HV1W
Mae’r Grid Cenedlaethol yn berchen ac yn gweithredu’r rhwydweithiau trosglwyddo trydan a nwy neu’r ‘traffyrdd ynni’ yng Nghymru a Lloegr ac ar gyfer nwy yn unig yn Yr Alban, sy’n golygu y bydd ein gweithlu presennol a gweithlu’r dyfodol yn helpu i wireddu nodau sero net y DU.
Ar hyn o bryd, maen nhw yn y broses o gyflogi ar gyfer eu rhaglenni i Raddedigion, Lleoliadau Myfyrwyr a Phrentisiaethau ac wrth ymgeisio am un o’r rhaglenni hyn, byddwch chi’n cael y cyfle i ymuno â chenhedlaeth newydd o dalent a fydd yn llunio dyfodol ynni yn y DU. Eleni, am y tro cyntaf, maen nhw’n cynnig Prentisiaeth newydd, sef Prentisiaeth Gradd Trosglwyddo Nwy, lle bydd prentisiaid yn astudio ar gyfer Baglor mewn Peirianneg fel rhan o’u swyddogaeth.
“Bydd llawer o’r rhai sy’n ymuno â ni o’r newydd yn hogi eu sgiliau mewn canolfan hyfforddi diguro, hollol unigryw yn Eakring, Swydd Nottingham, sy’n cynnig profiad datblygu dihafal. Bob blwyddyn, rydym yn buddsoddi oddeutu £2.5m-£3m mewn hyfforddiant yn Eakring ac rydym yn anhygoel o falch o fod y darparwr prentisiaethau cyntaf i dderbyn dyfarniad ‘eithriadol’ gan Ofsted am dair blynedd yn olynol.”
Os oes diddordeb gennych chi, ewch i https://ngrid.com/3n9HV1W er mwyn derbyn rhagor o wybodaeth.
